Jon Arne Mogstad og Jeremy Welsh med to store kunstnarlege utsmykkingar
KHiB-professorane Jon Arne Mogstad og Jeremy Welsh, begge med arbeidsstad ved Avd. kunstakademiet, har samarbeida om to store kunstnarlege utsmykkingar som vert offentliggjorte i januar - februar 2010: Halden Fengsel og Postens Østlandsterminal.
KHiB-professorane Jon Arne Mogstad og Jeremy Welsh, begge med arbeidsstad ved Avd. kunstakademiet, har samarbeida om to store kunstnarlege utsmykkingar som vert offentliggjorte i januar - februar 2010: Halden fengsel og Østlandsterminalen til Posten.
| Det nyeste prosjektet deira, "Brukerveiledning del 1 og 2", for Posten sin Østlandsterminal i Lørenskog, er laga for to store veggar i produksjonshallen i terminalen som er eit enormt rom på heile 35 000 kvadratmeter. På den eine veggen har Jon Arne Mogstad et arbeid som er laga av cirka 60 lakkerte flatar i utskjært aluminium som tilsaman dannar ein rytmisk komposisjon som binder saman den 150 meter lange veggen. På den andre veggen har Jeremy Welsh ein serie med 15 kasser, også i lakkert aluminium, med kvitt noenlys oppi og med bileter trykka på pleksiglass med silketrykk. Begge delar av "Brukerveiledning" har tatt i bruk liknande materiale og fargeskala, med intensjonen å komme i dialog med den industrielle estetikken i rommet. Kong Harald skal opne terminalen - og kunsten (som inkluderer arbeid av fleire andre kunstnarar som f.eks KHiB-professor Tuula Lehtinen) 29. januar 2010. Bilete: Postens Østlandsterminal på Lørenskog, utsmykking av Jon Arne Mogstad |
| KHiB-professor Mette l'Orange har vært konsulent for prosjektet. Østlandsterminalen skal vere hovedsorterings-terminal for Posten og i fyrste omgang arbeidsplass for inntil 3 000 medarbeidarar. Over halvparten av all brevpost i Noreg (ca 3 mill sendinger) skal sorterast dagleg ved den nye terminalen. Bilete: Postens Østlandsterminal på Lørenskog, utsmykking av Jeremy Welsh |
Halden fengsel
Det andre fellesprosjektet til Jon Arne Mogstad og Jeremy Welsh heiter "The Low Down" og vart eigentleg installert sommaren 2009, men det er først i februar 2010 at den blir offisielt opna. Det nye fengselet i Halden kjem i drift våren 2010, og er på størrelse med ein middels landsby. Fleire kunstnarar vart engasjerte for å lage arbeid til ulike område, blant andre tidlegare masterstudent i kunst ved KHiB, Unn Kristin Laberg.
Mogstad og Welsh fekk oppgåva å lage kunst for den "indre slusa" i fengselet, ein vegg med port som skiller resepsjonsområdet frå dei lukka områda. Veggen er laga av 2,5 meter høge platar i galvanisert stål som er kunstnarane har brukt billakk, pulverlakk og silketrykk på. Kunstnarane har arbeidd med begge sidene av veggen, som vert synlige frå hovedporten på vei inn i fengselen, og fra boligområdet på innsida.
Bilete: Halden fengsel, utsmykking av Jeremy Welsh og Jon Arne Mogstad
Som førebuing til prosjektet oppsøkte Mogstad og Welsh billakkeringsmiljøet på vestkysten av USA, der dei traff "pinstripinglegenda" Tom Kelly. Kelly lærte dei ulike tekniske løsningar og råda dei til å bruke spesialmateriale i utsmykkinga. Som følge av dette møte kom Tom Kelly til Bergen hausten 2009 for å holde kurs i pinstriping og airbrush, som del av kunsthøgskulen sitt etterutdanningsprogram.
Halden Fengsel har Open dag 13. februar der publikum får sjansen til å gå rundt i dei ulike bygningane og oppleve kunsten både ute og inne. Fengselet er det nyaste og mest moderne fengselet i Noreg. Mogstad og Welsh vant ein lukka konkurranse om utsmykkinga i 2008. KHiB-professor Hilde Hauan Johnsen har vore ein av konsulentane til Halden Fengsel, på vegne av Koro. Fengselet er teikna av bergensarkitektane HLM Arkitekter.
Bilete: Halden fengsel, utsmykking av Jeremy Welsh og Jon Arne Mogstad
