Kart over KHiB-campus

Avd. kunstakademiet er lokalisert ute på Nordnes, i C. Sundts gate 53 og 55. Det er omlag 10 minutt å gå frå Torgallmenningen. Avd. for design og Avd. for spesialisert kunst er lokalisert i området rundt gågata Marken og i Vaskerelven. Studieadministrasjonen og øvrig administrativ stab (rektor, høgskoledirektør, økonomi, personal, informasjon og FoU) held til i Strømgaten 1.

Strømgaten 1
Hovudbygget og resepsjonen ligg i Strømgaten 1. Det ligg vis-à-vis Jernbanestasjonen. Her finn du òg Studieadministrasjonen og avdelingskonsulent Mona Størseth (Avd. for design) og avdelingskonsulent Helene Petterson (Avd. for spesialisert kunst). Ved sida av avdelingskonsulentane har fagområde keramikk hovudsete. I underetasjen har keramikk sin største verkstad samt gipssal og andre verkstader. I andre etasje finn du kontora til rektor og høgskoledirektøren, samt den øvrige administrasjon (økonomi, personal, informasjon og FoU). I andre etasje ligg òg dei to største tegnesalane og kontor for fagstab. I tredje etasje ligg det eit stort prosjektrom, og IT-avdelinga held òg til her.

Marken 37
Dette bygget vert òg kalla "Glassbygget". Her finn du kunsthøgskolen si kantine, møteplass og fem student-PC'ar for offentlig bruk. I første etasje er det verkstad for både tre og metall (Avd. for design), medan fagområde tekstil og fagområde møbel- og romdesign/interiørarkitektur samt lesesalar og prosjektrom for studentar, ligg i andre etasje. I tredje etasje ligg "Det Raude Rommet" (den store forelesningssalen) som er det største undervisningsrommet på kunsthøgskolen. Her finn du òg arbeidsplassar for tekstilstudentar og prosjektrom og verkstad for tekstil. I fjerde etasje er det studieplassar og vevsal for tekstil. På framsida av nr. 37 har vi òg ein koseleg liten hage med bord og stolar for solskinnsdagar.

Vaskerelven 8
I første etasje og i underetasjen/kjellaren her, er det grafikkverkstad og verkstad for fargetrykk som tilhøyrer fagområde fotografi. I første etasje er det òg fotostudio for for fagområde fotografi, undervisningsrom /prosjektrom samt kontor for verksmeistrar både på foto og grafikk. KHiB sitt nye galleri, Rom8, ligg ut mot gata. Andre etasje huser biblioteket og kontor til stipendiat og professor i fotografi og grafikk. I andre etasje ligg det òg lesesalar for studentar på fagområde grafikk og fotografi. Bakerst i andre etasje ligg det ein datalab for studentar på fotografi og KHiB sine avanserte fotoskrivarar. I tredje etasje ligg det to store salar for studentarbeidsplassar. I fjerde etasje er det kontor for fagstab ved Avd. for spesialisert kunst (fotografi og grafikk), kuratorstudiet og teori, i tillegg til at du òg finn dekan Aashild Grana her.

Kong Oscars gate 62
Den store bygården ligg like overfor St. Jørgens hospital (Lepramuseet i Bergen). I underetasjen ligg det tre prosjektrom og eit auditorium, medan første etasje har lesesal for studentar på fagområde visuell kommunikasjon. I andre etasje finn du PC-lab, prosjektrom og kontor for fagstab på Avd. for design. I tredje etasje er det tre store prosjektrom og i fjerde etasje finn du PC-lab for studentar ved Avd. for design. Studenter på praktisk-pedagogisk utdannelse har sitt faste undervisningsrom på 404. Lærer og koordinator på faget sitter på 407.

I tillegg ligg Galleri Fisk i Kong Oscars gate 46, like bortanfor nr. 62. Galleriet vert drive av KHiB-studentar og held ope laurdagar og sundagar kl 12 -16. Opning av nye utstillingar er vanlegvis annankvar fredag kl 20.

C. Sundts gate 53 + 55
Avd. kunstakademiet held til i C. Sundts gate på Nordnes. Her finn du studentarbeidsplassar, verkstader, prosjektrom, atelier/kontor for fagstab og avdelingskonsulent Sara Henriksen. I 6. etasje finn du det store prosjektrommet. I første etasje ligg det eit utstillingslokale som studentar bruker til å vise arbeida sine. Det fins òg eit utstillingslokale i 7. etasje i nr. 55.

Samlokalisering på sikt
Kunst- og designhøgskolen i Bergen skal samlast under ett tak i Møllendalsveien. Det er arkitektkontoret Snøhetta som har teikna det nye bygget som er under planlegging. Les meir om byggesaka her

Samlokalisering for KHiB

Read this page in English