Informasjon for søkjarar til bachelorprogrammet i design

Opptaksprosessen 2013:

• Søknadsfrist: 15. april
• Innkalling til intervju/andre opptak: veke 20
• Intervju: veke 23 (4.-7. juni)
• Tilbod om opptak: veke 24

Krav til forkunnskapar og vurderingskriterium
Opptak til avdelinga skjer på grunnlag av realkompetanse. Søkjarane blir vurderte ut frå ein rekke kriterium, som kreativitet, ambisjonar, designfagleg modenskap, refleksjon, evne til analytisk og konseptuell tenking, samfunnsmedvit, form- og fargesans, evne til teikning, skriftleg og munnleg formuleringsevne og evne til samarbeid. Dei naudsynte forkunnskapane kan oppnåast på ulike måtar. Søkjarar utan generell studiekompetanse kan og søke. Delar av undervisninga vil gå føre seg på engelsk.

Opptakskomitéen gjer ein heilskapleg vurdering av den enkelte søkjar, med særleg vekt på hans eller hennar designfaglege potensial for utvikling.

Første opptak
For å søkje, må du fyrst logge deg på søknadsveven. Der kan du i tillegg til å velgje studium du vil søkje på, og laste opp ulike dokument som vitnemål, karaterutskrifter og brev. Desse dokumenta må vere lagra på di eiga datamaskin som t.d. pdf-filer. I tillegg til dette, skal du og svare på nokre oppgåver som er utarbeidd for fagområdet du vil søkje på. Svara til fagområdet visuell kommunikasjon, kan du dels laste opp på søknadsveven, dels sende til oss i ein konvolutt. Svar til fagområdet Møbel- og romdesign/interiørarkitektur må du sende samla i ein konvolutt. Hugs å merkje all dokumentasjon med søkjarnummeret ditt. Konvolutten merkjer du med "Søknad BA design".

Svar på oppgåver skal sendast til:

Kunst- og designhøgskolen i Bergen
Strømgaten 1
N-5015 Bergen

Avdelinga er ikkje ansvarleg for skade på det innsendte materialet. Dei innsendte arbeida vil bli vurderte av opptakskomiteen ved avdelinga. Innkalling til andre opptak sendast ut i veke 20.

Andre opptak
Andre opptak foregår på Kunst- og designhøgskolen i veke 23 (4.-7. juni).

• Møbel- og romdesign/interiørarkitektur: [informasjon kjem]
• Visuell kommunikasjon: [informasjon kjem]

Under andre opptaket jobbar søkjarane med teikneoppgåver og andre oppgåver. Kvar søkjar gjennomfører og eit individuelt intervju med opptakskomitéen. Søkjarane blir rangerte ut frå ein samla vurdering av alle løyste oppgåver og intervju. Tilbod om opptak blir sendt ut i veke 24.

Kunst- og designhøgskolen sender ikkje arbeid i retur. Portfolio/arbeid som ikkje er henta innan 1. juli, vil bli makulert.

Oppgåver for søkjarar

Oppgåver for studieåret 2013-2014 finn du her:

	Oppgave spesialisering i visuell kommunikasjon (bokmål) Oppgåve spesialisering i visuell kommunikasjon (nynorsk)
	Oppgave spesialisering i møbel- og romdesign/interiørarkitektur (bokmål) Oppgåve spesialisering i møbel- og romdesign/interiørarkitektur (nynorsk)