Informasjon for søkjarar til bachelorprogrammet i kunst

Bachelorprogrammet relaterer seg til eit samtidig kunstfelt kor kunstnaren si rolle er utvida. I dette feltet er kunstnaren meir enn ein verkprodusent, han eller ho kan og uttrykke seg på andre måtar og opptre som eksperimentell tenkar på fleire arenaer.

Kritisk tenking og konseptuell tilnærming er grunnleggjande i utdanninga. I samråd med sin hovudrettleiar kan studentar i bachelorprogrammet velge fordjuping innan eitt eller fleire område. Aktuelle fordjupingsområde er:

• fotografi
• grafikk
• keramikk og leire
• lyd
• måleri og teikning
• nye medium
• performance
• skulptur
• tekstil
• video

Bachelorprogrammet opnar og for kunstnarlege praksisar som ikkje er knytt til bestemde medium og materiale.

Opptaksprosessen 2013:

• Søknadsfrist: 15. april
• Innkalling til intervju: veke 18
• Intervju: veke 22 (27.-31. mai)
• Tilbod om opptak: veke 23

Krav til forkunnskapar og vurderingskriterium
Opptak til bachelorprogrammet i kunst er basert på realkompetanse. Denne blir vurdert på grunnlag av dokumentasjon av kunstnarleg arbeid (portfolio) og intervju.

Opptakskomitéen gjer ein heilskapleg vurdering av den enkelte søkjar, med særleg vekt på hans eller hennar kunstnarlege potensial for utvikling. Søkjarane vil bli vurderte ut frå ein rekke kriterium, som inkluderer kreativitet, ambisjonar, motivasjon, kunstnarleg modenskap, evne til refleksjon og formulering, dessutan evne til analytisk og konseptuell tenking. Søkjarar utan generell studiekompetanse kan og søke. Deler av undervisninga vil gå føre seg på engelsk.

Første opptak
For å søkje, må du fyrst logge deg på søknadsveven. Der kan du i tillegg til å velgje studium du vil søkje på, og laste opp ulike dokument som vitnemål, karaterutskrifter og brev. Desse dokumenta må vere lagra på di eiga datamaskin som t.d. pdf-filer.
I tillegg skal du og sende inn dokumentasjon på eige kunstnarleg arbeid, ein portfolio.

Krav til portfolio
Portfolien bør innehalde dokumentasjon av relevant kunstnarleg arbeid. Portfolien må du lagre på ein minnepinne eller CD/DVD og send inn til KHiB innan søknadsfristen.
 
Her finn du meir informasjon om krav til portfolien. Hugs at du må printe ut skjemaet og legge dette saman med arbeida i ein konvolutt og sende dette til:

Kunst- og designhøgskolen i Bergen
Strømgaten 1
N-5015 Bergen

Hugs å merkje konvolutten med "Søknad BA kunst". Merk innhaldet i konvolutten med søkjarnummeret ditt. Søkjarnummeret har du fått på e-post frå søknadsveven.

Avdelinga er ikkje ansvarleg for skade på det innsendte materialet. Dei innsendte arbeida vil bli vurderte av opptakskomiteen ved avdelinga. Innkalling til andre opptak vil bli sendt ut i veke 18.

Andre opptak
Andre opptak går føre seg på Kunst- og designhøgskolen i veke 22 (27.-31. mai). Aktuelle søkjarar blir kalla inn til intervju med opptakskomitéen ein av desse dagane. Under andre opptaket får søkjarane og høve til å treffe studentar og vere med på omvising i Kunst- og designhøgskolens lokale.   

Søkjarane blir rangerte ut frå ein samla vurdering av viste arbeid og intervju. Tilbud om opptak vil bli sendt ut i veke 23.

Kunst- og designhøgskolen sender ikkje portfolio i retur; arbeid som ikkje er henta innan 1. juli, vil bli makulert.